សូមស្វាគមន៍មកកាន់ ធនាគារ ហត្ថា!
គ្រប់យ៉ាងបានចាប់ផ្តើមនៅក្នុងឆ្នាំ ១៩៩៤ នៅពេលដែលស្ថាបនិករបស់យើងបានបង្កើតគម្រោងសន្តិសុខស្បៀងនៅក្នុងព្រះរាជាណាចក្រកម្ពុជា
ជាមួយនឹងចក្ខុវិស័យយ៉ាងច្បាស់លាស់ក្នុងការធ្វើឱ្យប្រសើរឡើងនូវជីវភាពរស់នៅ
និងសុខុមាលភាពរបស់ប្រជាជនកម្ពុជា។ ក្នុងគ្រានោះដែរ ធនាគារ ហត្ថា មានបណ្ដាញប្រតិបត្តិការតែក្នុងតំបន់តូចមួយក្នុងទីជនបទនៃ
ព្រះរាជាណាចក្រកម្ពុជា តែប៉ុណ្ណោះ ប៉ុន្តែពួកយើងបានពង្រីកបណ្ដាញប្រតិបត្តិការជាបន្តបន្ទាប់រហូតដល់
២៥ ខេត្ត/ក្រុង នាពេលបច្ចុប្បន្ន ក្នុងគោលដៅបម្រើសេវាកម្មហិរញ្ញវត្ថុជូនអតិថិជនកាន់តែទូលំទូលាយជាងមុន
ទាំងអតិថិជនលក្ខណៈបុគ្គល និងអតិថិជនលក្ខណៈគ្រួសារ សហគ្រាសខ្នាតតូច និងមធ្យម នៅទូទាំងប្រទេស។
ធនាគារ ហត្ថា រក្សាគោលជំហររបស់យើងបានយ៉ាងរឹងមាំ
ជាមួយចក្ខុវិស័យយ៉ាងច្បាស់លាស់ និងការប្តេជ្ញាចិត្តដ៏មោះមុតក្នុងការផ្តល់សេវាហិរញ្ញវត្ថុជូនប្រជាជនកម្ពុជា
ទើបធ្វើឱ្យ ធនាគារ ហត្ថា អាចធ្វើដំណើរទៅមុខប្រកបដោយភាពជោគជ័យជាឥតឈប់ឈរ និងក្លាយខ្លួនជាគ្រឹះស្ថានដ៏ល្បីល្បាញមួយក្នុងចំណោមគ្រឹះស្ថានហិរញ្ញវត្ថុ
ដែលមានការលូតលាស់លឿនបំផុតអំឡុងពេល ៣ ទសវត្សរ៍ នេះ។
ដោយមានចក្ខុវិស័យជាក់លាក់បែបនេះ ទើបនាំឱ្យយើងសម្រេចបាននូវសមិទ្ធផលដ៏សំខាន់មួយទៀតនៅក្នុងឆ្នាំ
២០២០ ពោលគឺការប្រែក្លាយខ្លួនពី គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ទៅជា
ធនាគារពាណិជ្ជ ទោះបីក្នុងស្ថានភាពញាំញីដោយវិបត្តិកូវីដ១៩ ក៏ដោយ។ សមិទ្ធផលមួយនេះ គឺមិនអាចសម្រេចបានឡើយប្រសិនបើគ្មានការគាំទ្រយ៉ាងពេញទំហឹងពីសំណាក់ភាគទុនិក
ប៉ុន្តែកាន់តែសំខាន់ជាងនេះទៅទៀត គឺការប្ដេជ្ញាចិត្ត ការលះបង់អស់ពីកម្លាំងកាយចិត្ត
និងការអត់ធ្មត់ខ្ពស់របស់មហាគ្រួសារ ធនាគារ ហត្ថា ទាំងមូលរួមគ្នាសាងសមិទ្ធផលដែលបាន
និងកំពុងកើតឡើងនៅពេលនេះ។
យើងមានមោទកភាពជាខ្លាំងចំពោះសមិទ្ធផលដែលយើងសម្រេចបាននាពេលកន្លងមក។
ផ្អែកលើស្ថានភាពសេដ្ឋកិច្ចដ៏អំណោយផលក្នុងឆ្នាំ ២០២៣ នេះ ធនាគារ ហត្ថា
ជឿជាក់យ៉ាងមុតមាំថា យើងនឹងអាចសម្រេចបានលទ្ធផលដ៏គាប់ប្រសើរនៅក្នុងវិស័យធនាគារទាំងមូលក្នុងឆ្នាំថ្មីបន្តបន្ទាប់ទៀត
ហើយយើងនឹងបន្តកិច្ចខិតខំប្រឹងប្រែងលើកកម្ពស់ជីវភាពរបស់ប្រជាជនកម្ពុជាតាមរយៈផលិតផលហិរញ្ញវត្ថុយ៉ាងសម្បូរបែបរបស់យើង
ដែលជាជម្រើសដល់អតិថិជនគ្រប់ស្រទាប់វណ្ណៈ ក្នុងន័យបង្កើនចំនួនអតិថិជនទូទៅ
និងសហគ្រាសធុនតូច និងមធ្យម នៅព្រះរាជាណាចក្រកម្ពុជា តាមរយៈដំណោះស្រាយហិរញ្ញវត្ថុដែលឆ្លើយតបទៅនឹងតម្រូវការអាជីវកម្មគ្រប់ប្រភេទ
និងការប្រើប្រាស់របស់គាត់ ដែលនេះនឹងក្លាយទៅជាកម្លាំងចលករមួយរួមចំណែកអភិវឌ្ឍសង្គមជាតិប្រកបដោយចីរភាព។
បុគ្គលិករបស់យើងគឺជាធនធានដ៏មានតម្លៃបំផុត ដែលយើងមិនអាចខ្វះការយកចិត្តទុកដាក់បានឡើយយើងនឹងបន្តពង្រឹង
និងលើកទឹកចិត្ដដល់ពួកគេដើម្បីបន្តបេសកកម្មរួមគ្នាសាងអនាគតដ៏ប្រសើរ ដើម្បីផ្តល់ជូននូវភាពរីកចម្រើនជូនអតិថិជនរបស់យើង។
ជាងនេះទៅទៀត យើងប្តេជ្ញាចិត្តយ៉ាងស្មោះស្ម័គ្រក្នុងការផ្តល់ជូននូវភាពរីកចម្រើនទាំងចំពោះអតិថិជន
ភាគទុនិក ដៃគូអាជីវកម្ម និងសហគមន៍ដែលយើងកំពុងរស់នៅ ដូចពាក្យស្លោករបស់យើង “រួមគ្នាសាងអនាគតដ៏ប្រសើរ”។
ជាចុងក្រោយ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជន
ភាគទុនិក ដៃគូអាជីវកម្ម និងធនាគារជាតិនៃកម្ពុជា
ក៏ដូចជាអាជ្ញាធរគ្រប់លំដាប់ថ្នាក់ដែលតែងតែផ្តល់ការគាំទ្រ
និងសហប្រតិបត្តិការយ៉ាងកក់ក្តៅនាពេលកន្លងមក។
រួមគ្នាសាងអនាគតដ៏ប្រសើរ!
Phonganant THANATTRAI
ប្រធានក្រុមប្រឹក្សាភិបាល